Bozu ehnije ome sei Cérès NC ci kedito bua, wahnoresa nore ta kodraru eje no omei Kaledronia!

Wanata ni ehnij

Ri se ran, ri ci ethanata nore rue nidi thu ru kodraru, traem Cérès hna uane co aseri ore se ace me kabesi, thu co ureye ka ci laethubene ri t'a p'a ruace ci ru kodraru no Kaledronia. Ci eawalu ne ilo re hna acidan, thu co hnohnone di du buhnij ore se la rue me deko ma ushiwa ka ibet, inom ore ta ci koze ore ta gu tiramisu.

Ruace ehnije ci rue

Omei sei Cérès, melei ehnie ci alane co aneroini so, inom ore ta necen, ci alane co ea roion ore guhele bone re ru kaka. Ruace ehnije ci kace jewe? Co anidrani ore kodrau , inom ore ta koktel me leulebu.Ehnije ci alane co hnohnone du buhnij, nodei ngome ci huelo co kodraru, roidi, ci konekatuone joko ore nodei pa ruace nore nodei 'ma re kodraru ko no omei nod.

Ta thuni ni ehnij

• -Skan QR kod : Hop, un p'tit scan et voilà, le menu s'ouvre comme par magie sur votre écran. On a même pensé à l'option "abracadabra" pour les amateurs de magie !
• -Ta kodraru bua ci alan: ureye lo ko ore nodei kodraru bua ci alane, inom ore bua eloi ri kicin. Melei kodraru bua! Aopodoneni bua lo ko!
• -Bane cagoren ore ci laethuben : Ha deko ci ibungu, ka dai ci there ko co lae thuben ne kadre o ? Ore nelaethubene ehnij, ci cagoren ore buhnije ci laethuben, ka roiil, ekowesese neil ore ta ngome ci opodon.
• -hna acikacen ore hnei bua hna sibo ri dan: bua hna alan? Laelu yawe! Ehnije ci aneroini buhnij, hnen ore hna acikacen ore hnei bua kodraru ri dan.

Ekonejeu jew'ore nod

Cérès, eje deko co hnedungon ko eje wene il. Eje se 'pa ruace nore nod, eje co konekatuon ore ehna 'pa ruac ci ru kodraru, neil ore nodei bane aneroini me icojeu sono etha xarasa.

Nodei kayecene

Melei ri ADN, kore kayeceni Cérès .Ore kayecene ni Cérès , melei ile ri ADN, ci hueti ore nodei ace ehnije ci rue.ome kore nodei ace ci thakokodieni ehnije ri nodei ran:

• -Ceini kabesion: Ehnije ci there ko ore ta ace co rue bane aneroini ne cejan ore ta la rue son ore ci ru kodraru, hnen ore technologie so.
• -Ome ko ri acen: Nodei ngome ci ruace ne Cérès ne nodei 'pa ruace ci ru kodradru ne ehnij, inom ore se guhnameneng. Ore nidi ace so ehnije ko co taedrengi buhnije ne co kedi buhnije sone buhnije co roi.
• -Ore hmijoce pene ej : Ehnije ci opodone wen'ore ehnije se pa ruac no Kaledronia ka ehnije ci ahmani ore wangome ni ehnij , lene ri ci ethawan ore bane aroini me icojeu neil ore kayecen ore nodei 'pa ruace me hma ne ilore ci sibone kore nod.
• -Nidi roi : Ehnije ci tace thu co ayuni ore nidi thuni ni ehnij, ri ehnije ci rue, ngei me son ore application cange me ri nodei ace ehnije ci hnohnone jew'ore nodei ngome ci huelo co kodraru sesete ne nodei 'pa ruace ci ruace sese ne ehnij.
• -Konekatuon ore nod : Ehnije ci une jew'ore enegetace nore nod. Ehnije ci ruace sese neil ore nodei patrena nore ci ru kodraru,sone ci katu buice te co mana ne co hnohnon ore hna thuni ni buice jew ore nodei ngome ci huelo co kdraru.
• -Bane cagoren ne bane asesekoni : Nidi hmare kakailene kore ci uune ni buhnije du ehnij. Ehnije ci ekonejeu ne buic, thu co cagoren ore nodei ace buhnije me cerugoce ci kanone du ehnij neil ore nodei ace buhnije ci rue sereti plateforme ehnij.
• -Bane hmijocon ore hna pupule ne thu co iweyai ri ezien: Ehnije ci tubuhnide co cagoren ore hna pupule ne ci ruace carajewe sono oiru joko, sei ehnije ko ne sonore nodei ihuejeu neil ore nodei patrena ne ehnij.
• -Hnen ore ci alane ne thu laelawata : wen'ore ciroi gukokod, didionelo!ehnije se ci waeteo ne buhnije ne ci tubuhnide co kedi roio buhnije, ri nodei ace ehnije ci rue.

Ore nodei ac omelei, deko ma eberedro so, ke wangomen ore kakaileni Cérès. Eje bane huelewe ri nodei eaken nore eje ci goce yo ka ci uroyon kore ihuejeu buice ne buhnij, ekowese neil ore ihuejeu, ehnije ne buhnij.

Kaielo du ehnij

Ngei me buhnije necene di ka ci there bane aopodoneni ore nodei ngome ci huelo, cange me bua thu kodraru o aesere ka ci there ore ta 'pa ruace me thu ru kodraru me se pengene ko, ehnije ome so buhnij!ethanatalo ne ehnije lene ri : contact@ceresnc.com,

Ci oren ore ci te neil ore ace me kabesi om son ore kodraru ne Cérès NC

Traem Cérès NC